domenica 2 ottobre 2022

San Michele 2022

O CUNTO DO RIAVOLO, SANT’ANGELO E  L’ACQUA SANTA.

Cuntavano e viecchie antichi ca tantu, tantu tiempo fa, ‘ncoppe ‘o Monte, dinte a ‘rotta ‘e l’Acqua Santa (ca tanne era assaie cchiù ‘rossa ‘e mò), ce s’era miso ‘e casa ‘o Remmonio[2].

Era nu guaio ‘ruosso! Pecchè isso jeve tentano e facenne rispiette a tutte e crestiane ‘e Jerola, Pimonte e Pusitano. E nisciuno era capace ‘e n’o caccià ‘a la dinto a chillu tristo!, dato che isso ce faceva trasere suo a chi s’era già miso da parta soia.

Nu bell juorne, però  –forse pecché era ‘ntiseo e lamiemte e tanti poveri cristiani-  arrivaie ‘a chesti parte Sant’Agnelo, ca po’ fosse l’Arcangelo Santu Michele. Sant’Agnelo se travestette ‘a capraro e cu n’ammorra ‘e capre se mettette cu pacienza a giriià pé poste chià sperdute de muntagne noste: doa ‘oRumagne à ‘o Cuollo de Vene, da Paipo, a o Campe ‘e Jalle; sempe sule, pe’ ghiuorne e ghiuorne, speranno ca primme o roppe ‘o Remmonio ‘o vedeve e ‘o veneva a tentà.

Comme infatte, roppe quacche juorno chillu malecriato ‘o vedette e –appurato ca ‘o pastore nun purtave ‘ncuollo né croce, né abbetiello- l’accumparette annanze e ce dicette:

Oi pasturiè, tu si nu bellu e prunto guaglione, ma comme staie

E finacchè chell’acqua scorrarà fresca e pulita, nun c’è pericolo ca o Riavolo ce torna a chesti parte.

‘nguaiato cu ìsti quatte capre arrettecute e sti pezze stracciate ‘ncuollo! Miettete cummico; vinneme l’anema, ca te conviene! Iio so potente e ricco assaie,  e pozzo arricchì tento pure a te. Nun ce crire, che? Allora viene a vedè i’nt’a grotta mia quante ricchezze e bllezze aggio accugliute.

A ‘sti parole, Sant’Agnelo primma se ne stette nu poco penseriuso, pe fa avveré faceva ìo pare e spare- Po’ ‘ntrasatte s’aizaie allerta e …“Mbè, jamme a verè sti gran ricchezze!”  ce rispunnette.

Accusì, s’avviareno; uno annanze e n’ato arrete. Quanne arrivareno ‘e parte do Scalandrone, a ‘o Riavolo ce venette nu suspetto e, girannese verso ‘o pasturiello, ce dicette: Ngiulì  (accussì c’era ditto ca se chiamava), mò stamme p’arriva à reggia mia. Ma prime e te fa trasere m’ha fa nu giuramente ‘ncoppe a chelle ca tu tiene chiù caro; giurame ca là dinto tu mai te farrai a ‘roce, pecchè a me me dà nu poco fastirio.

 Se, se! Nu poco fastirio! Ma iamme annanze co’ cunto.

T’o giuro ‘ncoppe a mammema, muglierema e e figlie mie! Rispunnette subbeto Sant’Agnelo. E ‘o Remmonio, sentennese ò sicuro, o purtaie annante à ‘rotta. Cu na parola affatata facette spustà nu pescone ca ‘nserrava a porta e subbeto se vedette nu gran splendore ascì a là dinto.

Trasettero e pareva overo na casa e Re! Tappete ‘e seta affiorata, lampadarie d’oro e argiento, mobbele ‘mtarsiate e durate, pitture e grande artisti  ‘mbacce ‘e mure e -pe terra- tanti cascw, caniste e sporte chine ‘e brillante e marenghi d’ore. ‘Nsomma, overamente nu bene e Dio, si se putesse dicere accussì, pe robba do Remmonio!

A penzà ca te puteva attuccà pure sulo nu friculo ‘e chelli ricchezze, chi nun avesse vennuta l’anema a ‘o Riavolo?! Ma Sant’Agnelo nun ce pensava proprio. Ma pure facette a ‘ntennere ‘o contrario, girannese attuorno cull’uocchie splancate, ca pareva o pastore d’a meraviglia dint’o Presebbio.

Ma ‘ncapo a isso pensava: “Chisto è o mumento! Mò l’aggia fa ‘o servizio a stu curnuto!”

Se girai n’atu poco attuorne cu chell’aria e maraviglia e po’ dicette:

Mamma mia, che gran ricchezza! Penzo ca nisciuno re e ‘mperatore ò munno n’ha mai viste tante! Ma, si permettite, veco pure nuuu poche ‘e arrevuoto ca certamente nunn ’è degno ‘e vuie! Tante pè dicere: … chella bella specchiera ‘a là abbascio ‘a spustassse ccà. E  chillu trono ‘ndurato là o spustasse a chill’atto.

E dicenne sti parole, cu ‘o vraccio allungato e ‘o dito puntato mustaie ‘e spustamente ca diceva, faccemme na bella ‘roce ìnt’a l’aria.

 A chella mossa, subbeto ‘o Riavolo se sentette ‘e murì. Se sentette ‘ncuorpo mille vote ‘o fuoco ca ca carcarea all’ Inferno e, comme a na saietta, currette fore alluccanno comme a comme a che.

Facette tre zumpe ‘a na montagna a n’ata e se menaie a mare. I

Into ‘o stesso mumento, sparette tutte cose a dinto a ‘rotta, ca se ne carette meza. Sant’Agnelo allora ripigliaie e veste soie, tiraie fora a spada e, ‘nfizzannela int’a preta, facette accumparè chella surgente ca oggi nuie chiamammo ‘e l’Acqua Santa.

Mbè guagliù, v’’è piaciuto stu cunto? Comme dicite? Ca ve piace, ma nun ce crerite che overe fuie? Allora iate a da n’amico ca conosce buona ‘sti muntagne; v’ccumpagnarrà a vedè ‘e segne ca ‘o Remmonio lasciaie zumpanne dint’a preta; chelle ca chiammamme e Ciampate ro Riavolo.

https://agerola.wordpress.com/2015/02/22/la-leggenda-di-san-michele-il-diavolo-e-lacqua-santa/


Tutte le foto di San Michele

 


Nessun commento:

PRESEPE 2023

2023: Trentesimo anno del PRESEPE VIVENTE Valle Lavatoio (Pimonte), alle pendici della collina di Pino, tra i Monti Sireniani. Si sedes non ...